تبادل
لینک هوشمند
ما تدري بينا الليلة جينا حسين يا مظلوم
*************************
يا حسين إلك هذا القلب ينصب عزا بكل حين
كل نبضة كل دقة التدق لطمة و بجي و ونين
حقه القلب من ينفجع يلقى مثيلك وين
يا ابن الذي بسيفه انعدل ركن الشرع و الدين
يا ابن الدحى البيبان يالمنذبح عطشان
هاي آنا إختك هالحزينة و دمعتي من دموم
*************************
ما تدري بينا الليلة جينا حسين يا مظلوم
*************************
لو تدري قلبي اشقد حمل من هالدهر صفعات
جنت أحسب اليوم الـ لقى أيامي و الساعات
علمتني أيام الغرب أتجرع اللوعات
و أذرف من عيوني دمى من تخلص الدمعات
و أتسلى بالأحزان يل راسك على الزان
ويانا راح بكل مدينة و القلب مالوم
*************************
ما تدري بينا الليلة جينا حسين يا مظلوم
*************************
كل لحظة جانت تنقضي تنعد علينا بعام
يا أحلى طيف إلـ بالجفن يا أجمل الأحلام
ترضاها زينب تنسبي يا صفوة الأكرام
ويه العصابة الـ ذبحتك تمشي بسر للشام
و بصحبة الأيتام تتجرع الآلام
ما تدري بينا من مشينا و من سبتنا القوم
*************************
ما تدري بينا الليلة جينا حسين يا مظلوم
*************************
يا ابن أمي شفتك عالثرى و جسمك تدوسه خيول
مثل الجسر صدرك غدا عليه الأعادي تصول
يا وردة بقليبي و أبد ما يعتريها ذبول
جيت أشتكي لك محنتي شوف القلب شيقول
تتفايض الدمعات من عيني و العبرات
كل دمعة تجري يا ولينا نايحة و هموم
*************************
ما تدري بينا الليلة جينا حسين يا مظلوم
*************************
يا ابن أمي راسك عالرمح شفته بضياءه يلوح
ينظر يتامى مجتفة لأرض المآسي تروح
ينظر عزيزة قلبه سكنة تنتحب و تنوح
من تشقف سياط العدى و من هالمتن مجروح
تألمها هالضربات و توجه النظرات
يم راس أبوها و لعيونه تتجه و تلوم
*************************
ما تدري بينا الليلة جينا حسين يا مظلوم
*************************
يا ابن أمي ليش النايم بكتر النهر عباس
ما تنبض عروقه اشعجب ما يطلق الأنفاس
جنت أحسبه يستقبل إخته بالورد و الياس
معذور أخويه مصوب بعينه و هشيم الراس
وسفة قمر عدنان لو يمتلك ذرعان
درعه بيساره و بيمينه سيفه جان يدوم
*************************
ما تدري بينا الليلة جينا حسين يا مظلوم
نظرات شما عزیزان:
